Quraish ki mee-ot meenei khangba ngamdraduna Makkah thadoklamlaba matung mamlaba-shuklaba Thur(sur) ching ywrakkhi. Amuba leitong amadi tingkhang kayana thallaba mafam adubu shengdoktuna Rasoolullah صلى الله عليه وسلم bu pothahannaba hotnabada Abu Bakr thinthaba twkhide. Hakchangda thongliba fizol machet-machet tana shegaiduna lin-kaangdagi ngakthoknanaba shurung adugi ahoba makhulshing menshikhi amasung Rasoolullah صلى الله عليه وسلم bu lengshinhankhi.
Abu Bakr gi nongdambu kanana mapu oiba ngamgadage, mamlaba ahingdugi shuklaba chingnungda ngalli taibanggi purnima mahakki tampak thakta. Adubu menshinba wathwkhi makhul ama. Chaoraba lin ama thoklaktuna mahakpu chikkhi. Mayai kallaba huu aduna masha pumba cheitheng pirafao chinbal kangkhide, hakchang lengkhide. Adubu akhang kanbagi palna laakshinba ngamlaktaduna mitlugi pirang sintharakkhi, Rasoolullah صلى الله عليه وسلم gi maithongbu chothankhi. Kari twrabage Rasoolullah صلى الله عليه وسلم na wahangbada khummi- A ALLAH gi Rasool! Linna chikkhre. Rasoolullah صلى الله عليه وسلم na mahakki maktraba tin teibikhi amasung huugi mayai chamkhi.
Abu Bakrgi mahutta mafam aduda atoppa dunyagi shenyek pamba, mamal tanba amadi mingchat thiba mishak ama oiramlabadi awabashing ase keidwnungdasu mayoknaramloi. Mahakna haigani- Marup ngga-eiga chap manni. Eigi eteng panggu-nggi nateng pangge. Ebanni kokthang yaminnaragata mai pakkani. Aduga mathantana karigumba thwranglabasu eina c twbibani-adu twbibani haina mamal shaknagani. Nggi damak eshafaoba linbu chikhanbani. Adubu meeshak ado atei natte, Abu Bakr Siddiqni. Ashengba wahanthokta ISLAMgi sebaroi, Nabigi marup, katthok chaoba khongloini. Pumnamak asigi mathakta mahakna haikhi- Lairaba eina karisu twba ngamkhidre.
MASIBU KWWI DHARMADA PUKCHEL SHENGBA.
MUFTI AMEER SUBHAN
Lilong Bazar
Touheed Foundation Manipur | তৌহীদ ফাউন্ডেশন মণিপুর 