Tarawih gi matik magun

 Tarawih gi matik magun

Hadees: Kanagumba meesak amana Ramzanul Mubarakki ahingsingbu Iman amasung Ikhlas ka loinana Ibaadatta lellabadi mahakki houkhiba gunah kokthokpigani.

Ramzanul Mubarakki matik magun leiba Ibadat “Namaz-e-Tarawih, ni Masagi matik magun adumak yamna chaona leijei, Masina maram aoiraga Ramzanul Mubarakta Masjidsing gi matik magun hengathalli amasung Ibadatki apamba yamna hengathalli, Hadees shareefta Nabee *** na Ramzanul Mubarakta numit humni Masjid Nabawida Jama’atta Namaz sonbirammi meeyamgi masing yamna hellakpana maram oirakpa amasung sahaba-e kiram***gi hainingai leitaba apamba adubu uraga Allahgi Nabee***da  Ummat asida Namaz asi farz oihanbikhigadra haibagi akiba faorammi maong aduda Allahgi Nabee *** na asumna Jama’atka loinana sonba adu tokkhirammi. Adumnadi oiraga Nabee***na Ramzanul Mubarakki ahingsingda Ibaadat yamna chang naina toubirammi, Qur’aan Hafeez oiba meeoisingna masa masana nafil Namazsingda Qur’aan sonnarammi amasung Hafeez oidaba meeoisingna kanagumga Hafeezsingi tungda leplaga mahakki tung illammi amasung Qur’aan tabagi matik magun adu fangnaba hotrarammi.

Madinah Munouwarah gi tabi-ee Aaleem Sha’alaba ibn-e abi malik Qurtabi na riwayat toubire, Amuktang Ramzanul Mubarakki ahingda Allahgi Nabee *** Masjidta lengbiraklammi tanja adududa Masjidki matai amada meeoi khara Jama’at Namaz sonba urammi. Allah gi Nabee***na hairammi makhoising asi kari touribano? Kanagumbana hangatcharammi ya Rasulullah! Makhoing asi Qur’aan Hafeez natt-e, Hazarat ubei bin ka’ab Namazda Qur’aan solli amasung makhoising asi mahakki tung illaga Qur’aan taribani. Masi taraga Nabee***na hairammi: makhoina yamna faba thak tou-e amasung Huzur *** na makhoigi maramda pamdaba wafam amatta haibiramd-e.   [Sunane kubra-4794]

Masigi sandoklaba wafamsing asidagi fajana thajana khanglamlagani madudi Nabeegi matamda Ramzangi akhannaba Namaz matungda Tarawih gi mingda khangnari, achumbamak masi adumak sonduna lakli amasung sahaba***sing Namaz asigi maramda fajana khang-e, Naitom nattraga Jama’at sollammi haibasi. Masigi matungda amuk Hazarat Abu baker*** amasung Hazarat Umar***gi ahouba matam faobada  asumna adumak chatnarammi. Masigi matungda seiyidina Hazarat Umar Farooq***na meeyam masjidta naitom nattraga apik apikpa Jama’t semlaga Tarawih gi Namaz sonba uraga, Mahakna Tarawehgi  Jama’t samba asi afabani khalli (maramdi Rasulullah***na kikhiba maaramna Tarawihgi Jama’at thingjinkhiba adu Huzur *** gi matungda akiba adu leikhidr-e) maram asina mahakna sahabasinggi manungdagi khuwaidagi matik magun leiba amadi thak wangba Qari Hazarat Ubei bin ka’ab *** bu Tarawihgi Imam oihallammi amasung Sahaba *** si Hazarat Ubei bin ka’ab***gi tung induna Tarawih sollammi.

Hazarat Zeid bin Ruman***na haibiri Sahaba amasung Tabi-een Hazarat Umar***gi khilafatki matamda Ramzan thada Raka’at 23 (Tarawihgi Raka’at 20 amasung Witr gi Raka’at 3) sollammi.

Hafif ibne Hajar Askalanina riwayat asi sindokli, Huzur***na ahing anida Raka’at 20 sonbirammi amasung ahumsuba ahingdadi Huzur***lengbirakkhidr-e,  aduga ayukta asumna haibirammi: Eina khalli Namaz asi nakhoigi mathakta Farz toubirakkhrabadi nakhoina amsi pangthokpa ngamloi.

Asuppa waroldi asini Tarawih gi Raka’at 20 ni haibasi Hdeesingdagi sabitni amasung matam khudingmakkta Musalman nupa amasung nupisingna masibu adumak chang naina sollkl-e, Maram asina eikhoisu masibu chang naina fajana pangthokkdabani, Ramzanul Mubarakki ahingsing yamna matik magun leiba oi, Masidi Ibadat kaya tourabasu adumak awatpa haiba adu oi, Nabee Akram*** amasung sahaba *** amasung sahabi nupi***sing ahing chuppa Ibadatsingda lellammi.

Eilkhoi karigumba Trawihgi Raka’at 20da tallabadi eikhoidagi henna laibakthiba kana oigani. Allah na Eikhoi pumnamakpu Ramzan Shareefki barkat chellaba ahingsingbu akhannaba maongda Ibadat chang naina touba ngamhanbisanu-Aameen.

Tarawih gi Namaz

Ramzanul Mubarakki thada Eshagi farz amasung sunnat Namazgi matungda witrgi mamangda  sonba Namaz adubu “Tarawih gi Namaz” kou-e.

Nupi khudingmakki mathakta Tarawihbu sonba asi Sunnat muakkidahni, Maram leitana thadoklibi nupising gunahgar oigani.

Tarawih gi Matam: Ramzanul mubarak kit ha uba ahing adudagi Tarawihgi Namaz sonba houraga Eidki tha uba faoba sonba asi lajimni. Tarawihi matam Eshagi matam dagi louraga Subah Sadiq faoba oi. Henna fabadi tarawihgi matungda witr sonba asini adubu kanagumbana Tarawihdagi hanna Witr sonkhr-e adu oirabasu adumak akaiba oid-e.

Tarwihgi Niyam: Eshagi Farz amasung sunnat sollaba matung Tarawihgi niyatta Raka’at ani ani amasung salam tara ga loinana Raka’at 20 sonba amasung Raka’at mari khudinggi ngaihaktang leppa, lepliba adubu “tarwihah” kou-e, Tarwiyah gi arthadi pothaba haibani. Afabadi leppa aduda zikar,Du’anachingbada lengadabani. Tarawihda amuktang Qur’aan khatam touba asi sunnatni, masidagi henbadi mustahabni.

Mas’ala: Karigumba Nupisingna kaobadagi raka’at ahu sollur-e, adu oirabadi anusuba raka’atta Qa’idah toukhiba oirabadi Raka’at ani oiragani amasung ahumsuba Raka’at mangkhragani, aroibada sajdah sahu tougadabani, ahumsuba Raka’atta sonkhiba saruk adu handuna songadabani amasung anisuba raka’atta Qa’idah touramdrabadi Raka’at ahummak oiroi. Ahummakta sonkhiba Qur’aan adu handuna amuk songadabani.

Mas’ala: Karigumba salam amada Raka’at mari punna soll-e amasung anisuba Raka’atta Qa’idah toukhiba oirabadi Raka’at marimak oiragani amasung Sajdah sahu darker oiraoi, Aduga karigumba anisuba Raka’atta Qa’idah touhoudrabadi aroiba Raka’at ani adukhak oiragani amasung ahouba Raka’at ani adu oiraroi. Maram asina Ahouba Raka’at anida sonkhiba Qur’aan adu handuna sogadabani.

Wahangsing

• Tarawihgi matik magun haiyu.
• Tarawih Namazgi matam haiyu.
• Tarawihgi Namazgi niyam tak-u?
• Tarawihgi Namazda Raka’at mari salam amada sonbagu karu hukumno?