#পারা_লৌশিনবা_য়াবা_ওক্তবী_নুপী_অমগী_ৱারী_অমা
ওক্তবী নুপী অমা লম্বিদা অসুম চত্লম্মী । খরা চত্লগা গুহা অমগী মনাক্তা হুই অমা ঈশিং খৌরাংবদগী মরৈ হা-হা তৌদুনা লৈরম্মী । হুই অদু ঈশিং খৌরাংলম্মী । গুহাগী ঈশিংদু য়াম্না নেম্না লৈখিবনা ঈশিংদু য়ৌনা কুমথবা ঙম্লমদে । হুই অদুগী মওংদু উবদা নুপী অদুগী থমোয়দা নুংশিবা ফাওরম্মী । অমসুং মহাক্না খল্লম্মী হুই অসিসু অল্লাহগী মখলুক্নি । খৌরাংবদগী মহাক অসি লৈতাফম খংদ্রে । তঙাই ফদনা মাবু ঈশিং পীথকফম থোকই । অসুম্না খল্লদুনা নুপীদুনা ঈশিং শোক্নবা বালতিন থিরম্মী । অদুবু মফম অদুদা বালতিন অমফাওবা ফংদ্রে । অদুদগী নুপী অদুনা মাগী মখোঙদা তোংলিবা শউনগী মোজা অমা লৌথোক্লগা উপায় অমা তৌরগা ঈশিং শোক্লে । অদুগা হুই অদুদা পিথক্লম্মী । অমসুং হুইগী অরাম-খৌরাংবদু কোকহল্লম্মী । হজরত ইবুংঙো নুংশিবনা হায়বিরম্মী- নুপী অদুনা তৌরিবা অমল অদু অল্লাহনা য়াম্না পাম্লম্মী । হায়রিবা অমল অদুগী বরকত্তগী অল্লাহনা মাগী গুনাহ (পাপ) পুম্নমক কোকপিরম্মী । য়েংঙু: করিগুম্বা নুপী অদুনা “ঐদি ওক্তবী নুপীনি জহন্নমদা চত্কদবা লৈরবনি, হুই অমবু ঐনা ঈশিং পীথক্লগা করিবু কান্নবা ফংগদগে” হায়না খল্লম্লবদি, হুই অদুসু ঈশিং থকপা ফংলরোই অমসুং মহাক্কীদমক অল্লাহগী নাক্তা হিংনবগী লম্বীসু লৈরম্লোইদবনি । অদুবু অল্লাহনা মাগী পিকখ্রবা অমল অদুগী বরকত্তগী মহাকপু জহন্নমগী মৈদগী কনবিখি । ঐখোয় ময়ামবুসু অল্লাহনা চানবিবা অমসুং জন্নত্ ফংনবা লম্বি অদু শেম্বা ঙম্বগী পাংগল পিনবিসনু ।
(Aameen)
(বুখারী শরিফকী হদীস অমদা থৌদোক অমা বয়ান তৌবিরি )
Touheed Foundation Manipur | তৌহীদ ফাউন্ডেশন মণিপুর 